بنات سطيف العالي بالبنوار السطايفي الجزائري الإمارات العربية المتحدة

سلام 😘اليوم جيت نعرفكم على اللباس السطايفي آ خاليَ 😍 عندهم البنوار :لي يعني ب النوار اي بالورد 😉باللهجة السطايفة وهو من اجمل الالبسة الجزائرية يكون قماشو شرب الزدف احد انواع الالحرير و هو اغلى من الاقمشة ، بكري كانو السطايفيات يلبسوه دايمن يعني جبة تع الدار تكون بنوار بصح الصدر مايكونش شارجي بزاف يعني سامبل تع كل يوم بخلاف العروسة اكيد🤗 لي يكون محرج كيما يقولو (نظن تعني معمر مليح) و يتلبس تحتو سروال على حساب اللون تع الجبة و تكون هاد الجبة مشقوقة من الطرفين ف الاونة الاخيرة كاين حتى بنات يلبسو تحتو سروال الشلقة العاصمي خرج يهبل تاني 😍.و دوك تخلاو عليه البنات ماولاوش يلبسوه كل يوم من غير العجايز * المهم ياسيدي العروسة السطايفية ماتتخلاش على المحزمة بحيث من لي تزيد عندهم الطفلة يشرولها الفم تع الذهب(اكيد ماشي فم يقصدو هداك الكروشي لي يجي مالقدام تع المحزمة) و مع الوقت يشرولها اللويزات باش كي تلحق تتزوج تلبسو ف عرسها (وكاين لي تشريه واجد😉 وكاين لي ماتقدرش ماتحزمش بالذهب اكيد كل كاين خلافو 👌🏻 هادي هي فقرتنا لنهار اليوم من سطيف العالي ❤💖يالله عجبكم اللباس والعادات السطايفية! بالمناسبة الاكسسوارت يلبسو المسايس والكرافاش و المسكية وكل وحدة واش تحب المهم حلي جزائري (انستغرامي: algerienne_10 Algerian dress for the state of #Setif, called Al-Binoir #algerienne_10 #algeriandress #algerianstyle #البينوار_السطايفي #الجبة_السطايفية #الجزائر #الاردن #العراق #لبنان #الامارات #السعودية #فولو #اللباس_التقليدي_الجزائري #اعرف_بلادك_الجزائر_وعرف_بيها #cezayir #algerianbride #الجزائر_القارة_الثقافية

الفئة